Забеспячэнне надпісаў на кнопках актывацыі зялёнага сігналу на пешаходных святлафорах на беларускай мове
Мы, грамадзяне Рэспублікі Беларусь, выказваем занепакоенасць тым, што надпісы на кнопках актывацыі зялёнага сігналу на пешаходных святлафорах не выконваюцца на беларускай мове. На дадзены момант большасць надпісаў зроблена на рускай мове, што не адпавядае статусу беларускай мовы як дзяржаўнай.
Беларуская мова з’яўляецца важнай часткай нацыянальнай ідэнтычнасці нашай краіны. Яе выкарыстанне ў грамадскіх месцах, такіх як пешаходныя пераходы, спрыяе захаванню і папулярызацыі мовы сярод насельніцтва.
У сувязі з вышэйсказаным, мы просім:
1. Распрацаваць і ўкараніць стандартныя надпісы на кнопках актывацыі зялёнага сігналу на пешаходных святлафорах на беларускай мове ва ўсіх населеных пунктах Рэспублікі Беларусь.
2. Правесці работы па замене існуючых надпісаў на новыя, выкананыя на беларускай мове.
3. Забяспечыць кантроль за выкананнем дадзеных патрабаванняў у вызначаныя тэрміны.
Мы ўпэўненыя, што гэтая ініцыятыва стане важным крокам у падтрымцы беларускай мовы і ўмацаванні нацыянальнай самасвядомасці грамадзян Рэспублікі Беларусь.
Количество подписей под петицией:
27
Мінтранс разгледзела ваш зварот па пытанні ўвядзення беларускіх надпісаў на кнопках актывацыі зялёнага сігналу на пешаходных святлафорах і паведамляе, што такія надпісы не адносяцца да тэхнічных сродкаў арганізацыі дарожнага руху і не падлягаюць рэгуляванню ў адпаведнасці са стандартам СТБ 1300-2014. З улікам гэтага і таго, што ў Беларусі дзяржаўнымі мовамі з’яўляюцца як беларуская, так і руская, Міністэрства не можа ініцыяваць замену існуючых надпісаў на беларускую мову
507.5кБ, добавлено Джэк Торранс, 2024-09-23 19:06:16
Комментарии (0)
Для просмотра комментариев Вы должны войти на сайт или зарегистрироваться