Мы супраць агульных абстрактных назваў вуліц Астраўца. Прапанаваныя да прысваення назвы вуліц Народная, Жураўліная, Добрая, Сямейная, Салаўіная, Ясная, Дружбы, Мірная настолькі абстрактныя, што не нясуць у сабе аніякага сэнсу. У гэты час неўшанаванымі застаюцца імёны выдатных беларусаў, жыхароў Астравеччы, чыя дзейнасць на карысць грамадства мусіць быць прыкладам для ўсіх. Вось няпоўны пералік асоб, звязаных з краем, якіх варта ўшанаваць у гарадской тапаніміцы:

Альбін Стаповіч — паэт, публіцыст і музыкант.
Янка Быліна — паэт, драматург і святар з вёскі Лакцяны.
Мар’ян Богуш-Шышка — мастак з Трокенікаў.
Іосіф Гашкевіч — вучоны-мовазнавец, даследчык Японіі і Кітая, які правёў апошнія гады свайго жыцця ў Малях.
Леў Дабжынскі — мастак, пахаваны ў вёсцы Лоша ў 1938 годзе.
Казімір Сваяк — грамадска-палітычны дзеяч, паэт, драматург, публіцыст, літаратуразнавец, каталіцкі святар, які нарадзіўся ў вёсцы Барані.

І пакуль гэтыя асобны не ўшанаваны, не зразумела як гаворка можа ісці пра ўшанаванне салаўёў і жураўлёў - які прыклад яны падаюць, які нацыянальны гонар яны абуджаюць у жыхароў горада? Ніякі.