У 2008 годзе ў Рэспублiканскiм тэатры беларускай драматургii (далей – РТБД) быў пастаўлены спектакль па матывах рамана У.Караткевiча «Каласы пад сярпом тваiм», якi гледачы з асалодай маглi глядзець ў РТБД некаторы час.

«Каласы пад сярпом тваiм» - гэта вельмi значны твор у беларускай лiтаратуры, якi адлюстроўвае станаўленне беларусаў як нацыі i змяшчае апiсанне шматлiкiх спрадвечна беларускiх абрадаў. Дадзены раман Караткевiча з'яўляецца адным з шматпланавых твораў, маючых вельмi каштоўнае значэнне для беларускай культуры i гiсторыi.

Тэатральная пастаноўка «Каласоў пад сярпом тваiм» на сцэне РТБД ў 2008-2013 гг - гэта вельмi важны крок да папулярызацыi гэтага твору i знаёмства з iм большай аўдыторыi.

Згодна з дадзенымi аднаго з беларускiх Iнтэрнэт-рэсурсаў спектакль "Каласы пад сярпом тваім" па аднайменным творы Уладзіміра Караткевіча, праіснаваўшы на сцэне РТБД каля 4 год, заўсёды збіраў аншлагі.

Лiчым, што пяцiгадовы перапынак ( менавiта столькi Алесь Загорскi не з'яўляўся на падмостках РТБД) - гэта дастатковы час для таго, каб аднавiць спектакль i тым самым прывабiць у тэатр шматлiкiх гледачоў: i тых, хто ўжо раней бачыў пастаноўку, i тых, хто толькi пачынае знаёмiцца з творчасцю Караткевiча на тэатральнай сцэне.

Таму просiм аднавiць спектакль «Каласы пад сярпом тваiм» паводле твора У.Караткевiча i зноў уключыць яго ў рэпертуар Рэспублiканскага тэатра беларускай драматургii.